[ابو أنس]

قلت الي ذي مسأله واخرى وعدّت=في جواب(ن) من حكيم(ن) منطقي
بس عندي مسأله أخرى استجدت=طالب(ن) حكمك واعرف انك (شقي)
لك مع الخفرات نظره ما تردّت=باخص وقلبك خضر ..أو فستقي
لين شفت الريم في السوق يتلفت=ماشين والكعب (دفّ) يطقطقي
لابس الكاب المخصّر (صبّ) مصمت=راسم(ن) جسمه ولا شي(ن) بقي
ان نطحك تقول ...ياربي(تسمّت)=وان قدمك تقول هذا محرقي*
وان تقفّته الهبايب منك همّت=زفرة(ن) تطلع ....عليها مشفقي
وان ملت خشمك روايحها تنهّت=ينبهج صدرك خطير يشقشقي

* تسمّت........كلمه عاميه في نجد بمعنى تحفظ