تاهت بي أفكاري غدا الليل ليلين=ويلاه من ظلمن نهل إعبراته
ضيّعت مسرايه غدا الدرب دربين =ليلي طويل وضايعن بضلماته
ولا ني من اللي يجهلن القوانين= ولاني من اللي ودي العلم هاته
الله فرقني مثل فرْق السلاطين=سليلةالأمجاد عز وثباته
اهل المراجل زابنين المساكين =فزعاتهم يوم الملاقا دواته
ماهم من اللي صدقهم لك نهارين =ولا جاء لزومن لك توسد عباته
بوقت الرخاء يعجبك في طبعه الزين =ولولا الشنب ماتفْرقهْ من خواته
هذي حقيقه وأكثر الناس دارين =تنبيك عن مكنون قلبه صفاته
عزي لعرفه ياهل العرف والدين =ماهي مراجل نومته في سباته