[عذب القوافي]

	http://www.fatahilah.com/showthread.php?t=28552 --(( بعض الحكي ))-- بعض الحكي إحساس من قلب تعبان=هموم ثارت من خفوق متضايـق أهلا ً هلا بالقاف من عند عدنان=مغرم وقلبه من عناء الوقت ضايق يامرحبا ياصاحبي يابليهان=شاعر وحسّك بالمعانات فايق بأكتب وأداري خاطر البيت بأوزان=ولكل شاعـر يالكريـزم طرايـق ماكل مايلمع طلبتك بمرجان=بنات حواء تختلف بالخلايق إياك سّرك ينذكر عند عدوان=كم من فدامه لظلم الوقت رايق والعشق بلوى صاحبه دوم تعبان=باين عليه مبهذلته العوايق كانك من اللي بالهوى شانهم شـان=ترى الهوى والهم مثـل الشقايـق يامايعاني بالهـوى كـم مرضـان=ومجنـون ليلى سطّرته الوثايق منتا ترى وحدك مع العشق مرضان=راع الهوى سكران ماهوب فايـق الرمش يذبح والعذارى لهن شـان=وأنا أشهد إن الرمش يالقرم بايق كم من رجل في دنيته عاش حيران=حتى غدى للخلق ماهـوب طايـق كنه تقل مسحور أومس من جان=ماعـاش لحظـه يختلف في دقايق تقديري للجميع ,,,,