[الخنساء]

المشاركة الأصلية كتبت بواسطة الطائر المهاجر

غرستك نبض مع نبضات قلبي= سقيتك حب وارويتك حناني
حميتك ما يجي وجهك سمايم= ولا يكدر مزاجك مودماني
رخصت الروح لاجلك ما رخصتك= احقق ما تريده من اماني
ابي في يوم ما تنسى لحبي= واشوفك صرت ضدي مع زماني
جزيتاني مع الهجران صدك = وجرحت القلب واثخنت الطعاني
وش اللي غيّرك ياروح روحي= هم العذال او بعض الحصاني
طوال العمر ما شي بالأمانه= معك صادق بقلبي واللساني
طوال العمر ما اقصر بحاجه= ولو عانيت من اجلك هواني
حسايف كيف صرت اليوم ضدي= وانا ما اخطيت في حقك ثواني
حسايف عمري اللي ضاع اتبع= سراب وطار عجّه في العناني
حسايف كيف ما فكرت لحظه= اعز الناس يطعن في المحاني
حرقت القلب لاسامحك ربي= وخنت العهد وخسرت الرهاني
رح الله لايردك في طريقك = ولا تفكر تجي لي يوم ثاني
لك الله يازمن هذي طبوعك= مع الوافين مالك من وماني

صح لسانك واعتلاشانك
قصيدة جزلة من شاعر جزل

سلمت ودام حرفك