منتديات الفطاحله - عرض مشاركة واحدة

عذبة المعاني · 16-05-2006, 10:09 AM

أسعد الله صباحكم بالرضا

ثامر

والله مالي بهالسوالف

بس من جد مشاء الله عليك ولا أطلق صحفي بالدونيااااا

على بركة الله أبدأ

اقتباس:

نسأل عذبة المعاني عن رأيها في الشائعات اللي تقول انها

احد اسباب كارثة السوق السعودي للاسهم !!..؟؟

يقول احد الفلاسفه

المرأه خلقت تاجرة : ورأسمالها : جمالها

وكل شي في التجاره حظ ونصيب يربح من يربح ويخسر من يخسر <<< بالله عليك !!

وأهم شي أن الشخص يستعن بالله ولا يعجز وانت تعرف يا ثامر انا ما تهمني البربسه

اقتباس:

فاصل قصير ونعود اليكم

كونوا معنا

^
^
^
بعلق عليها

الاحوال الجويه

موجة غبار تجتاح دول الخليج عدا المملكه

السماء ملبده بالغيوم... مع توقع عواصف ثلجيه على مدينه الرياض <<< انبسط يا ثامر

اقتباس:

عدنا

وانا كمان عدت

اقتباس:

السؤال الاول واللي يمشي بسرعة 300 كيلو تنسيم في الساعة ثم ينسدح متعبا و يلهث هو :

- التوجه الحالي للسوق كيف ترينه .؟ .... وهل برأيك ان نبدا الان في السوالف حول الاسهم في مجالسنا الخاصه

بعد ما تركناها وصرنا نصلي كل الفروض في المسجد؟

السوق هالأيام متذبذب ،،والمؤشر العام الى الآن مريض ( الله يشفيه ويقومه بالسلامه )

تريثوا شوي ..لحين اتضاح الأمور خلال الأيام الجايه .. كلن صار يتكلم بالاسهم الل ييعرف واللي ما يعرف

طبعا انا من الفئه الثانيه .. كشك وفتيحي ماهم بأحسن مني

اقتباس:

- اقالة جماز السحيمي جاءت مفاجأه للجميع ومتوقعه من الكل وتحصيل حاصل .... هل سبب ذلك انه حب يصّيف بدري في لندن ؟

السحيمي قدم الاستقاله قبل الاقاله

يا حبكم للشائعات

ويقال والعهده على الراوي انه بيصيّف في بيته المسكين ما يقدر يطلع برا المملكه يلاقيها من مين والا من مين

اقتباس:

- يقول المحللون الاقتصاديون الله يحللهم ولا يبيحهم ان الكارثه كانت تصحيح بس زودها حبتين .. وغفا له شهر

يوم صحا والا الطيور طارت بارزاقها وقعد بها الضعوف امثالي .. تعقيبك لاهنتي وبشفافيتك المعروفه عنك ؟.

انا أشوف ان سوق الاسهم فن وما يدخله الا اللي يبدع فيه .. واشوف بعد <<< البنت هذي نظريه .. وينك يا المشرف

وأشوف ان الاسهم وجع وعوار راس ودوخه ويبيلها واحد فاضي ومخه آله حاسبه ويبدي يهذر على نفسه وأهم

شي أنه يصير نصّاب درجه أولى .. عشان كذأ أقول لكم اتركوا الاسهم وابتعدوا عن عوار الراس يعني بصراحه من

طاحوا العالم بالاسهم ما عيّنا خير .. قسم بالله مجاعه .. العالم صار شغلهم الشاغل هالاسهم متى بيعقلون

-

اقتباس:

المكرمه الملكيه بنقل مباريات المنتخب الله يفشلهم فشلونا في المانيا .. هل ستسهم في اعادة الثقه لقطاع الاسمنتيات ؟ ...( مدري من وين جا هالسؤال .. الله يصلح قلب المعد )

هناك ( قناه خيريه ) ستقوم بنقل المباريات بعدما قام صاحب هذه القناه بجمع فلوس الضعيفين

اقتباس:

- مكرر ارباح بعض الشركات وما يعادل 99 % منها مكرر ارباح خيالي بالناقص .. والعالم طايرين في العجه .. السؤال الان : متى نصير عقال وش حليلنا ونترك الطهبله ؟

والله ما تعقلون حتى لو وصلت أرباحها 100 %

يا كثر اسئلتك يا ثامر

اقتباس:

- نصيحة اخيره تقدمينها للمستثمر اللي قده ؟

السوق ان شاء الله خلال الأيام المقبله بيولع << وقولوا عذبه ما قالت

عندي نصيحه للي يبي يفلح في السوق وحده من الثنتين

يا انه يتعرف له على هامور ويشتري من وراه

يا يعرف موظف في أي بنك يبيع

<<< طاش ماطاش وما يسوي

والله يعينكم على هالأسهم من جد

هم

دمتم أنقياء