احمد الزايدي
ياطيب الفال فالك طيب جعله يطيـب=وأهل الكرم دائم (ن)وفعولهم طايلـه
الحمل فوق الجمل مار الحـذر لايميـل=ومن لاحسب للصودر ماحسب للورود
فلاح بن منشار
يامرحبا هيل يالي شوفكم منـه طيـب =ترحيب مثل المطر لازانـت اهطايلـه
تاصل صواريخ عطشانه من الفين ميل =مادري من الجمر والا هي بلون الورود
احمد الزايدي
دام البقا وأنا أصلي دوم على الحبيـب=عليه صلـى الله وسلـم وأنـا قايلـه
وبأذن الله أنها ماتاصل حدنـا والهبيـل=اللي علينا حقد معروف رجل (ن)حقود
فلاح بن منشار
زماننا ضيع المحبوب وصل الحبيـب =في تالي الليل كن النـاس بالقايلـه
والكيف معروف لاهل المعرفه وله بيل=مالي من اللاش وإلي قال للتنح قـود
احمد الزايدي
حنا أبتلانا الزمن والعيب منا قريـب=صار المطر مايجينـي أودنـا أنخايلـه
ياالله يسرلنا من بحر جـودك سبيـل=أنت العزيز الحكيم أنت الغفور الودود
فلاح بن منشار
لاخيم الظلم تبصر فوق الاعناق ريب =حتى المزارع سهى عن باسق انخايله
وراعي العلم ناجي بالقوافـي سبيـل =وش له بدنياء نهايتها المقابر ودود
احمد الزايدي
الظلم موجود والظالم غريب اوعجيب=ماتنطلـي خطتـه للنـاس ومحايلـه
والعلم نور(ن)ينير الكون وهو دليل=للي يبا الجنه (ا)ويسعى لدار الخلـود