[الطامي]

من منصور السبيعي عضو الفطاحله سابقاً ولازال ان شاء الله

ودي آخـذ مـع الشعّـار علـم وخبـر=والسوالف مع أهل العرف يا زينها
ما تعود سوالفهم سبـع مـن عشـر=البضاعـة بـتـوزن فــي موازينـهـا

الرد مني

القبيلي حضر في موعده دون شر = يالسبيعي علامك طلتك وينها
الظروف اتحكم وصدري بفوحه طفر = ودنيا البشر مشقيتهم ومشقينها

ثم تأخر فألحقتها بهذه الأبيات قائلا:-

مرحبا يالسبيعي عد وبل المطر = والعلوم الذبيله لك منصينها
كان تبغي اتخارج انت تامر امر = ماعليك الركايب دوم محفينها
وانت يابعد دارك والا انا من قطر = وانت يابعد دارك ماعرف وينها
والسموحه تقبلها بريح الزهر = والرجال الفطاحل دوم شارينها

بعد ذلك عاد وقال :-
الله الله الله
ياولد أما أنا تشتت ذهني مع الصبح ولا حسبت حساب مثل هالبيوت
لكن إستلم ردها طال عمرك:::::

البقا حيك وحي البيوت الدرر = وأنتم اللي حقوق الناس موفينها
ودنا معك نسري في سفر لو شهر = المواقف تميزها سلاطينها
أحسبك هزْت بالرجلين غب البحر = وأحمد الله مخزينن شياطينها
وأنت من دولةٍ فايح نباها عطر = والقبائل موسمةِ بعارينها
يالسمي يالسمي الا انت كلك نظر = ماليٍ يدك وإنا مثل مالينها

الرد مني وقد حولت المحاوره الى معنى اخر :

مادري السبيعي ليه انا للسحر = ساهر والعيون اتعبت طرفينها
اه لو ادري منهم او من ايا مدر = من سعو بالنميمه بيني وبينها
كان ياصولة مني عليهم فجر = واليدين بخناجر كان مروينها
وانتقم من عدو الجن ويا البشر = ولا امحى سكها ماقيل ياعوينها