[سـعـد الحويماني]

اتخيلي دمعة طفل ..

واتخيلي دمعة يتيم ..

لا من بكى في يوم عيد ..

لا شاف ما عنده أحد ..

يِشْرِي له الثوب الجديد ..

واتخيلي شيخٍ كبير ..

يِبْسَتْ شِفَاه من الظما ..

خَانِفْتَه العبرة ضرير ..

وبيده عصاه وما قوى ..

واتخيلي صورة فتاة ..

جَرَّحْ مدامعها الحزن ..

تبكي على شخصٍ عزيز ..

راح وتركها واندفن ..

كانت تودعه الصباح ..

والعصر جابوه بكفن ..

واتخيلي دمعة قهر ..

في وجه رجالٍ شَهَمْ ..

لا حطوا القيد بيديه ..

وبالظلم حطوا بَهْ تُهَمْ ..

اتخيلي صورة رضيع ..

يبكي متى أمه تجيه ..

وامه بجنبه طايحة ..

الله خذاها من يديه ..

واتخيلي طيرٍ جريح ..

رفرف يبي يرقى السما ..

هذي ترى كل الصور ..

متجمعة فيني أنا !!