[الخنساء]

المشاركة الأصلية كتبت بواسطة حمود ساكر السكراني

لا تجرحيني ما بقا في يدي حل ..
لا تحمليني فوق ما لا أستطيعه 00
ودي وودي افرش الأرض لك زل ..
واسكنك رووس البروج الرفيعة00

ودي وودي ازرع الأرض لك فل ..
واعطيك من حاصل زمانك بديعه00
قولي واقول ومن تربى على قل...
يشوف من دنياه دنيا فظيعه 00
ول يا حياة بالفقر كلها ذل...
سود الليالي رسمتهـا طبيعه 00

ما قل دل وبعض ما قل ما دل..
يرميك في دربِ طويلة قطيعة00
ادري معاناتك دقايق و ما جل ..
ياليت عمري ينشرى كان ابيعه00
صبرت لين الصبر من حالتي مل ..
والوقت يجري والليالي سريعه00
وان كان صبرك مل من كل في حل..
عن الملامة والملامة شنيعة

بس لاتلوميني على شيء قد زل00
قطف خريف العمر زهرة ربيعه00

صح لسانك مليون ولايكفون

قصيدة جزلة من شاعر متمكن

سلمت ودام حرفك