[الخنساء]

المشاركة الأصلية كتبت بواسطة احمد الجريفاني

ليامن نامت عيونك انا كني شبعت رقاد=ابسهر بس من شانك ونامي يا نظر عيني
يا ليتك تمكنين الجرح في وسط الخفوق ازداد=تري جرحك اذا ما طالت المده بيفنيني
تمنيتك بكت روحي000 تخيلتك بعد ما فاد=متى شفتك عشان اتخيلك يا كل غاليني
حبيبة قلبي اطلب منك طلبه والجواب مراد=ابي منك اذا خانتني الدنيا تراعيني
ابي منك وصل عشاق يقتل غيرة الحساد=ابي منك بليا( نت) باحساسك تدفيني
ابي منك انا وانتي نسطر صفحة الامجاد=ابي منك غرامن ينتهي با القرب رسيني
وابي قلبك معي دايم وابي وصلك على الميعاد=ابيك بجنبي اتهنى بقربك لا تخليني
انا من ناس لاجاء ذكرهم قالوا رجال اجواد=ما اخون اللي حفظ ودي وعندي لك براهيني
انا لي سيرتن بيضاء مع المداح والنقاد=مهو مدحن لنفسي بس ابي منك تعرفيني
تعرفيني بعيد عن القشور ونزوة الافراد=متى ما تعرفيني زين اكيد انك تحبيني

صح لسانك ولاهنت
جزلة من شاعر متمكن
سلمت ودام حرفك