[حوريه]

واهني الخفوق اللي مـن الهـم خالـي
ماقضى الليل وفـراق الحبايـب يلوعـه

***

اشهد اني عجزت اكتم غبـون الليالـي
ولو كتمت اصل جرحي بهذلتني فروعـه
كيف انادي ولا لي بين الاجـواد والـي
لاجل يطرد هواجيس الحشى في فزوعـه
****

يشتعل وسط جوفي بالخلا لاطـرا لـي
وكلما زاد ياسي يافهـد فـي رجوعـه
مالنـا فـي قـدر رب البرايـا مجالـي
ولا تـرده طوابيـرٍ تتالـى جمـوعـه


****
بان جرح الضمايـر بالوقـوت التوالـي
والسبايب عيونٍ تفضحه فـي دموعـه
وكان طال المفارق مع حسيـن الدلالـي
راح يرحل خفوقي يافهد عـن نجوعـه
****
****
قمت اراقـب نجـومٍ نورهـا بالعلالـي
وكلما غاب نجمٍ قمت اراجـي طلوعـه
اسهـر الليـل كلـه بالمغثـه لحالـي
ماحصل تهتني عينـي بلـذة هجوعـه


****



الشاعر فوااااااز

قصيده رائعة تنبض بالأحاسيس الجيَّاشة,,

وتلامس الوجدان....

دمت بكل خير

ودام حرفك


.....