[عذب القوافي]

	إختلف شرقي وغربي مع جنوبه والشمـال ياحروفي لو نشدتي الزمـن مابـه ميـول=الأوادم وحدها اللي تختلف في كل حـال بعضهم لو كان يهذي ماعرف وشوّ يقـول=لو تباهى يحسب إنه فاهـم ٍ بايـت مجـال والبعض لوكان عايش ماعرف معنى الأصول=إن تكلّم ليت يسكت هرجته ماهي عـدال والله إنا في زمـان ٍ زايـد ٍ فيـه الميـول=إختلف شرقي وغربي مع جنوبه والشمـال من نوى قمّـه رفيعـه مايفكـر بالنـزول=يعرف الرحله شديده دام يطلـع للجبـال وكيف زادت بالأوادم القراده والفضـول=رغم إن الطيب باقـي نحمـد الله لايـزال ومن تمادى بالرديه ما أرجهن فوق الذلـول=والقوافل ماتسمّـع تمشـي أيـام وليـال التواضـع والمـروّه كنهـا تبغـى تقـول=ضامني خبل ٍ يوّصـف بالحماقـه والهبـال دربها يم الكرامـه والرجـل منهـا ينـول=المعّـزه والمحبّـه والجميلـه والـوصـال علمها علم ٍ ينومـس ولايهّمـه الخبـول=والرجل حمله يشيله صابر ٍ مثـل الجمـال والرديه لـو تمـادت يابشـر لازم تـزول=وأهلها ناس ٍ وضيعه ماتعـرف الإعتـدال تقديري للجميع ,,,,,