[عرق الماس]

المشاركة الأصلية كتبت بواسطة منصور العبدالله

تعودت على قلوبكم

فأتت هذه المتواضعه

وبنفس المنهجيه التى اوصلتنى لقلوبكم

تتهادى امام انظاركم


تبحث عن مكان بذائقتكم وقلوبكم

تقبلوها واعذورها وراعيها من التقصير

الله من واهج(ن) همه سكن فيني=وهموم قلبي تبارى فيه سكاني
يالهم لا تشتكى الوحدة وتنعيني=وأنا معك حي تشقيني وتنعاني
ابشر بصدر(ن) تقافا به براكيني=يحضنك لو ثار من واهجك بركاني
والله من هاجس(ن) ضوحه يبكيني=كم ليلةٍ بالهوى جاني وبكاني
امن أول(ن) عايش(ن) عيشه سلاطيني=واليوم همي ملكني صار سلطاني
محد(ن) من الناس لو جيته يواسيني=ولحد(ن) كسب وافر المعروف واساني
ماكنى إلا غريبٍ زلت سنينى=في دار غربه وحيد(ن) شايل أحزاني
يالورق لا تشتكى صوتك يشجيني=وتنقض جروح قلبي واهج اشجاني
تصدح بصوت الحزن ونه وتلحيني=واجيك من قاصي المعلوق بالحاني
واللي سمعني تحير قال وش فيني=ويلا عرف علتي أقفى وخلاني
شفّي على اللي عليها تشفق العيني=مافاد بي طب غيره لين داواني
اللي من العام وطيوفه تباريني=يازين طيف الغضي لا جاء وباراني
لاجا خذاني على النجمة يعدينى=وأحفظ وصاته عتابه يوم عداني
أعانق الغيم ودروبه تودينى=ماودي ارجع لوقتي لين وداني
اللي من الناس دب الدوم يغلينى=ملفاه عيني وقلبي يومه اغلاني
ياخذ مثل عام بغيابه ولا يجينى=وانسى غيابه مع عتابه آيلا جاني
يحفظ عهودي مع فراقي ويوفيني=يأمر علي بالهوى عشقه وينهاني
إن قلت اباصف عيونه مابقا فيني=أخاف اقصر وتزعل دعج الاعيانى
الرمش الايمن يضيعن به عناويني=والرمش الأيسر نهاية كل عنواني
وان قلت أبرسم خياله كامل الزينى=من زود شوقي لطيفه حارت الواني
عشقه تمكن ويجري في شراييني=محدا(ن) بياصل غلاه بدم شرياني

حضرة الشاعر منصور...

يسلم فكرك النير وكلامك الجميل

والإلقاء الرائع للقصيد...

قصيدة رائعة من شاعر مبدع..

دمت بكل خير..