اقتباس:
المشاركة الأصلية كتبت بواسطة مسلم عواد العميري
ودي انصحك ياذيب في بضع كلمات=عساك من بعـدي تمشّـى عليهـن
اذكر عظيم الشان في كل الاوقـات=تراه مـع ذكـر الله يهابـك الجـن
واحرص مع الفرحه تخلي العبادات=الدين افضل من هل الفـن والفـن
دامك شباب وفيـك قـوه وهمـات=من قبل ماسود العـوارض يشيبـن
ترى السعاده كلها بضـع ساعـات=والوقت ياما طيّح الرمـش والسـن
احرص تعرّض للخلايـق باهانـات=تـراك ماتـرزق ولاعقبـك يمـن
لوطحت مااحدٍ قال منهـم سلامـات=ماغيـر قـول الله يزيـده ويُلعـن
امش الطريق اللي بها سبـع لفـات=اخير من مشيك مع الرجل الارعـن
واحذر من الانذال واهل الاشاعـات=اللي طوال اليوم في راسـك تـزن
خلك قرّيب من رجـال الكرامـات=ورحب باهل الطيب وقدم لهـم بـن
خلك كريم الخُلـق حسـن البهيـات=حلوٍ نباك وحلـو جوفـك ولاتظـن
ترى الوفا هو راس مال المحبـات=وفاك يبقـى وانـت لامـت تُدفـن
واصبر على مر الليالي والازمـات=لاخير في قلوبٍ عن الصبر صـدن
الصالح اللي ماذكـر فيـه عيبـات=لاخالطـه العفـن مـنـه تعـفـن
هذي نصيحة واحدٍ جـرب آهـات=يصبح حزين ويسهر الليـل ويـون
لازال في جسمه جـروحٍ وطعنـات=مهمـا مضـت ايـام لابـد يبقـن
|
صح لسانك مليون ولايكفون
قصيدة جزلة من شاعر متمكن
وانا اشهد انك صادق بكل كلمه وحرف
سجل اعجابى بتلك الراااااااائعة
سلمت ودام حرفك