[فارس القوافي]

يتقرّب الخــــــــــــــــلاّن من بعضهم بعض = وانـــــــــتا وانا ما بــــــــيننا جاذبيّه
دايم بعاد وما التقـــــــــــــــــــينا بهالأرض = بعيد انا وانت ابعــــــــــد الناس ليّه
وان جيت لك في حلم أومضت لي ومض = وان جيت لي سجّيت ماهو ابيديّه
دام العناد اعنـــــــــــــــاد بالطول والعرض = بتنـــــــــــــتهي الدنيا عليك وعليّه
يآخي تعال انعيـــــــــــش ونكمّل الفرض = ونغيّر اطباع النفــــــــــوس الشقيّه
حنّا رضـــــــــــــــــــــينا خلّنا نجبُر الحظ = تعال نجبر هالحـــــــــــظوظ الرديّه
ترى العــــــــــــــــمر رايح واذا أنت ياغض = اليوم غض اتصيــــــــــــر باكر أسيّه
يكفــــــــــــــــــي تِعِبنا والزمن صايرٍ فظ = يلــــــــــــعب بنا وارواحنا له ضحيّه
خلاص يكفي نتّهم بعضــــــــــــنا البعض = نبي نكوّن بيـــــــــــــــــننا جاذبيّه