[الطائر المهاجر]

انت ياللي تو نزلت القصيده= اشهد انك ما تجيب إلا الجزال
يسلم الإبداع في ابياتٍ جديده= شعر شاعر من حلاحيل الرجال
نفتخر بك والأهل ويا البديده= الفطاحل زاد من شعرك جمال
عقب هالأبيات فكر يالوليده= كيف احساسك بعد طيب المقال
واحكم بنفسك بحقٍ لاتحيده= فالكلام الزين من طيب الخصال
وش يضرك لو بكلماتٍ زهيده= تفرح اخوانك ولو ماشي عجال
كلنا مثلك لنا اشغالٍ عديده= ومن يدور عذر يلقى لا جدال
هي دقايق خمس ما ظني تزيده= وكلمتينٍ ما تضرك باختزال
تكسب الأجرين والذكرى الحميده= فالتواضع شيمة اولاد الحلال