شارع الغالي .. الا عزّمت امرّه
القى قلبي قد سبقني .. يحتريني


من عقب صدّه غدا بالقلب حرّه
من حواجز حطّها بينه.. وبيني


والاكيد.. انه لقى عاذل.. وغرّه
بكلامٍ.. او مكيدة.. مبتليني


يجرح احساسي.. واسامح كل مرّه
انا.. مدري.. كيف اقبل ما يجيني


اسال الله جال همي والمضرّه
هو وكيلي.. شايفٍ ما صار فيني


كيف اوصّل له عتابي واتشرّه
وكيف ازيل.. هجوس حيرة .. تعتريني


يا الهي.. دعوتي لك مستمرّه
ما .. ابي .. غيره وليفٍ يهتويني


شفت انا منه السعادة.. والمسرّه
وذكرياتٍ عذبةٍ..احيت حنيني

الاخت نورة صح السانك

عبدالعزيز