موقف 1

في كويز عملي عليه درجات المشاركه ..
كنا في المعمل وكانت وجدان القلوب جالسه في الجهاز اللي جنبي
وكان عن الاكسس..واثناء حنا مانحل وجدان كانت مب عارفه تحل بعض الاشياء >>فضحت صديقتها ياويلها
سألتني وحنا طبعا تونا في بداية السنه احسب الدعوه عادي زي في الثانوي اللي جنب بعض يتساعدون ..
وعاد يوم سألتني واقرب الكرسي جنبها ماعندي فيها عاد ليتني يوم بعلمها اعلمها وانا في مكاني كان تنبلع شوي >>تمون الاخت
الاستاذه يوم شافتني قالت خير خير ووجهها فيه ابتسامه بتفطس ضحك شكلها على قوت الميانه
رجعت مكاني وانا احس اني متفشله ..

موقف 2
هذا حصل لأخوي عامر
كان في ديرة اهلي حصل حادث . .وكان ترادف اسم اب وعائلة اللي حصل لهم الحادث نفس اسم ابوي وعائلتي
بعد يومين من الحادث ..
كان استاذ مايعرف اخوي واول مره يراقب على لجنته في الاختبار شاف اخوي محتاس في اختباره جالس يفكر بعمق وحزين علشانه في باله يقول ياويلي راسب راسب في الماده..هو شاف اسمه حسبه من اللي حصل لهم الحادث ..وكان في الحادث هذا بنت ماتت هو يحسب اللي ماتت اخت عامر اخوي >>مشكلتي مااعرف اوضح
سأله الاستاذ قال اختك اللي حصل لها الحادث >>أستاذ ذكي لو اخته ماتت مامداه جاء للأختبار
أخوي حس انه بيساعده قال خلني اسكت علشان يساعدني ومارد عليه اخوي وصلح نفسه حزين زياده
الاستاذ رقيق احساس يحسبه ذكره بااخته اللي ماتت قال له بصوت واطي لاتطلع بساعدك خلك اخر واحد..
المهم طلعوا كل الطلبه اخذ الاستاذ ورقت مصري وعطاها اخوي علشان ينقش منها وخلى المراقب الثاني يوقف عند الباب علشان إذا احد قرب من الفصل ينبهه ..
وبالفغل عطاها اخوي ونقش منها ..وكان في اخر وناسته وبعد النقش وهو يسلم ورقته للاستاذ اللي ساعده
قال الاستاذ وهو محزن صحيح اختك اللي ماتت في الحادث ..
أخوي بكل مكر ونذاله علشان يقهره يقول بإستهزاء من قال ..الإستاذ بعد ماقال له اخوي كذا كان وده يذبحه بس مايقدر يسوي شيء علشان هو اللي عرض عليه الغش ..
_____________
ولي رجعه قريبه لذكر مواقف ثانيه إن شاء الله