السلام عليكم ورحمة الله وبركاته
اليكم بهذه الابيات..وجدتها بين اوراقي ..اتمنى ان تجد ولو القليل من القبول..
يالنجمه الآفله بالله ويـن انتـي=ابي اشوفك لجل دربـي تنيرينـه
وقدي الدرب مخطيبه ولا سنتي=وآصل الى غايتي في ليل تضوينه
الصدر والبال يسترن الى بنتي =والقلب في حضرتك تحيا بساتينه
ورود حبه تفوح بزود لو كنتي=حوله قريبه يناجيك وتناجينه
يا ليت يا النجمه تحسين في زنتي=إن كان بنتي على المغرم تواسينه
طلي ترى غيبتك تحزني لا هنتي=دخيلك القلب ما يقوى تكوينه
انا بليلي اهيم بعتمته وانتي=في نورك الواهج تشحي وتخفينه
يالنجمه الآفله بالله ويـن انتـي=ابي اشوفك لجل دربـي تنيرينـه
عبدالله الشويمان-الرعد