الأخ/ محمد السفري .. رد المستشار الأخير مذهل بالفعل وإن كان ليس بمستغرب ... كل الشكر والتقدير .
خذني بحلمك أبا أنس .. منتهى الأريحية أن يفكر الإنسان بصوت مرتفع ..
ياسعد والليل غطاه البخور = والمعاني من يمنيك مترفه
اسقني من " سلافات " البكور = أو من الصهباء : نخب المعرفة
عتقوها عن ضلالات الأمور = واستحال الكأس .. هيا نرشفه
نوحُ باكٍ أو ترانيم الحبور = غير مجدٍ ! لابو اللي خلفه *
يعني لاتضحك ولادمك يثور = فكك التعبير مدري كفكفة
انفجار الحرف أو حرف الفجور = كلها سيان .. نفس التكلفة
نسنس الغربي مع ريح الدبور = ودي افهم بس منهو صنفه
زي لاقالوا : تملكه الغرور = ليش ماقالوا : مشاعر مرهفة
قدك المياس يابدر البدور = أو بلفظٍ : ياحلايا الزعنفة
لو أردنا وصف ربات الخدور = كان سَمّع الوقت حرفي شنفه
الهوى احساس مايبني قصور = لويكون بشيك محدٍ يصرفه
السواد اغراك يا عمر الزهور = والبياض يقول : جتني مصيفة **
ياغريب الدار ممنوع العبور = دونك الخط الحمر لاتدلفه
لاتعيش الوهم كوكبنا يدور = وانتبه ياصاح يكفي فلسفة
وادفن الاحلام في دنيا الشعور = واحتفظ بالدمع بالك تذرفه
صافي المعنى قبل يوم النشور = وزبدة الابيات قصدي الآنفه
حظ من رابط على ذيك الثغور = أو سهر ليله يناجي مصحفه
* لا أقصد شتم المعري - وإن كان بعض شعره يستحق اللعن - ولكن (لابواللي خلفه) من فرط الاعجاب كقولهم : لا أبالك .
** الدنيا .