تمت في ظهر الأربعاء 11 شوال 1430
بحضور الطامي ورشيد الكسر والينوفي والطائر
وقد استمر الينوفي والطائر بعد توقف زميليهما
الطامي=
سلام الله على رشيد الكسر واللي هنا لاهان = يوفي مانقص مناوابو فايز هو البادي
اشوف القاف زان حيثه حاضر وله مدة مابان = عسى الغايب بخير ونعمة دايم على القادي
الطائر=
ونا شوف الينوفي جاء من الشباك لا البيبان=واظنه عجل او حده زمانه والزمن حادي
هواوي دايماً يبحث عن القيفان والغزلان=واظنه مفلس لاهوب لا ذيبٍ ولا شادي
الطامي=
رشيد الكسر لو قلنا قديم الشعر بالأزمان = نشوفه يالسنافي مقبلٍ وقته مع الشادي
سمعنا الحان غير الحان وصوت خرع البزران = وكل يارشيد الكسر مع التلفاز والرادي
رشيد الكسر=
اشوف الطاير بيرمي واشوفه مخلف النيشان = كثير الناس مايرمون غير بوقت الاعيادي
الطامي=
هذا الطاير يحوم ولاقى له حية وثعبان = تقبض في مفارصها ويرميها على السادي
الطاير (في محاولة منه لجر الينوفي للمحاوره)=
عاد كني اسمعه وهو يقول:=
الا ياعود جز عني ترا مالي بأكل الضان= انا ماكولي الحاشي مع الكبسه ترى عادي
ثم يكمل: =
انا خبري برادارك له سنينٍ وهو خربان=فلا هو وارد امريكا واظنه صنع في تشادي
ثم رديت عليه وقلت:=
انا راداري صنع الروس بالإثبات والبرهان=يشوف النملة الرقطا بارض الحضر والبادي
رشيد =
تقوله وانت خابرني وتنظر في بالاعيان = وانا مااخلف سلومي عن سلوم اباي واجدادي
الطامي=
الا ياهل المعرفه وش حصل في مقبل الطوفان = بدت حرب خبيثه من عدو الدين بالحادي
بدو بامراض تلو احروب تفني عالم وسكان = الا يالله تكافينا شرور الكفر حسادي
رشيد=
تراه يخاف اوهو يختلف من شوفة الضبان = هذا علم صحيح وخابره علمٍ بالاوكادي
الطائر=
ويشوف الضب لامنه توهق صاده الثعبان= ولا تنفعه اسنانه ولا العكره وإلاسنادي
الينوفي=
الا ياعود وش عندك علامك تقذف الجيران=وانا خابرك ياعود الفطاحل تعرف الشدادى
الطائر=
انا حبي لجيراني وحبي واضح العنوان= فلا ني من يحقطهم ولا هم ضمن الاضدادي
اخاف الضب لا يبلعه دابٍ مخفي النيبان=ادور غير ما القاه بسهلٍ كان او وادي
الينوفي=
سكتنا لكن الليله نبى نلعب على القيفان= ابى سر الحكايه ياعميل الخير بركادى
الطائر=
سواليفٍ من الشيبان عن ما مضى بازمان=فلا تهتم وامش الدرب جعله دوم باسعادي
الينوفي=
ترى بحر الخليج يلاعب الؤلؤ مع والمرجان= ذهب صافى ملكته وانت تعرف قصة ابعادى
الطائر=
اذا من بعت لك كيلو ذهب لابد من ميزان=واذا من جاور نحاسه غدا نحاسه وهو صادي
الينوفي=
على بحر الطويل العب ودوك علوم ابن شيبان= نبى معنى بعيد مايحوشه نقد نقادى
الطائر=
ترى بعض العلوم علوم ما تحتاج للتبيان=وكلٍ عارفٍ علمه ولا نحتاج لاشهادي
الينوفي=
انا قلبى مثل طير الهواء مايملك الجنحان= كسره اللى عرفته ليتهم فى داخل ابلادى
الطائر=
قليبك قلب عصفورٍ ولا يدري عن الحيتان=اخاف بيوم يغدر به ولا يدري له منادي
الينوفي=
انا اعرف وين احط الرجل لوتقفل البيبان=ادل الدرب ياعود الشهامه مانى ابغادى
الطائر=
مدامك عارف للدرب توكل واطلب الرحمن= يسهل كل خطواتك على قربك والابعادي