اقتباس:
المشاركة الأصلية كتبت بواسطة نفحات حساسة
السلام عليكم ورحمة الله وبركاته
لشاعر عبد الكريم المهنا
تدري وش اللي يتعب البنت يـسعود...؟!
رجـلٍ يخـون اشواقـهـا و الـمـوده
إللـي إلى إحتـاج الغـلا صـار نمـرود
وإلـى شبـع ممـا عـطـاه إسـتـرده
البنت ريحانـة غـلا ... ناعمـة عـود
تبـي لهـا رجـلٍ ورث طيـب جــده
رجـلٍ فعولـه كلهـا جـود فـي جـود
مـا يلتفـت للـي كفوفـه تمـده ...!!
رجـلٍ إلا جـتـه الليـالـي بمنـقـود
يتكـى لهـا مـا بيـح الوقـت ســده
مهوب خبـلٍ مـا رعـى للهوى عهـود
وادنـاة مـا عـارض طريقـه يــرده
ولاهـوب لاعلـه ... ولاهـوب ملهـود
ولا شكـوك ... و كـلٍ طـارئٍ يـحـده
ما اشين من الرجـال لا جـاك بـبـرود
وإن قال لـه تـرف القـدم شـي صـده
تبـي لهـا بـراق طيـبٍ لـه رعــود
إن اجدبـت يمطـر علـى ريـف خـده
وإن نادتـه تكفـى لقـت عنـده الفـود
يشيـل عزتهـا عـلـى قــو زنــده
كفه نفل ... وانفاس صـدره لهـا عـود
وظـلالـه الضـافـي بيـدهـا تـمـده
البنت خد ... وقـد ... ونواظـرٍ سـود
وريحة غلاً ... ياسعـد مـن شـم نـده
البنـت إلا ضحكـت ثمرهـا لـك ورود
يـا سعـد مـن يقطـف نواويـر ورده
واللي يهين البنت ناقـص ... ومقـرود
فـرس غـلا ... ماهـي حمـارة مكـده
وانـا عشيـري فيـه زودٍ عـلـى زود
فديـت خصـره لـنهصـر ثـم شــده
مياسـةٍ مــا حـازهـا زول ممـلـود
تشكـي هـواي لقلبهـا ... والمـخـده
وتمد لـي مـن طـارف الكـرم عنقـود
بكـفٍ اذوب مـن الولـه يـوم اشــده
وتصفى ليـال العمـر والعمـر مطـرود
واشرب غدير شفـاه طيـب و (مـوده)
من يوم هاوانـي وانـا فيـه محسـدود
والمشكلـه مـحـدٍ يـسـد بـمـسـده
ضافي جديلـه فـوق الامتـان مرجـود
المسـك يقطـر مـن حوايـف مـكـده
ورمانـه الغضـه غـرض كـل مكمـود
يهتـز غصـن الشـوق لاهــز قــده
يا ويـل قلبـي والعـذارى لهـن مـود
فيهـن مـن الإحسـاس مـأحـدٍ يعـده
غضات جسـم ولالهـن بالبهـى حـدود
بحـر المشاعـر بيـن جـزره ومــده
عبدالكريم المهنا...
|
صح لسان الشاعر مليون ولايكفون
قصيدة راااااااااااائعة
سلم وسلمتى ودام نقلك الراااااااااائع