السلام عليكم ورحمة الله وبركاته
لي فتره طويله مانزلت اي قصيده ولكن رجعت بهذا النص الذي اتمنى ان يرقى إلى اذواقكم....
ياصاحب الرمش العكش والكحل الاسود فالعيون=الـغـاز زيـنـك جـاتـنـي فـجـأه وانـا حـليتها
وان كـان غـيـري عـن مـدى تـأثـيـرهــا مـا يعرفون=الحمد لك يارب يوم الـنـاس عـنـه اعـميتها
ادري بـعـض مـــن يـعـرفـك باحكامهم ماينصفون=ولا دروا وش يـفـرق المعمول عن شكليتها
بقولها من غير زيـف وخـــل غـيـري يـحـكـمـون=والله يادنياي مره..!!..وانـت مــن حـلـيـتها
حـديـتـنـي لـقـصـاي عـنـوه لـيـن وصـّلـت الجنون=واخـاف روحـي لاتروح ان كان ماداويتها
اشـيـل هـم رضـاك فـي قـلـبـي ولا هـــو بـالمتون=والـعين من ذاك النـهار لصورتك صكيتها
اخـاف غـيـري لـوفـتـحـت الـعـيـن بـعـدك يفهمون=من دمعت "ن" طاحت على خدي ولا كنيتها
يـافاتن الـنـظـرات يـالـمـوت الـحـمـر...لا يالحنون=والله مـاغـيـرك مـن الـخفرات حيل اغليتها
مـشـاعــري فـي غـيـهـا تـمـشـي مـع من يعمهون=ازريــت اعـدلـهـا وانـا يـا كـثر ما وصيتها
تجمح وتعسرني غصب وتحـدني صـوب الجنون=وان جــات تركض مقبله لـحماك ما عنيتها
خـذها مشاعر صادقه من قـلب مـخـلـص مايخون=جاتك على وضح النقى تركض ولا وديتها