[سيد الحرف]

السلام عليكم ورحمة الله وبركاته[

frame="13 70"]

لا مر حرف الميم اتوه وآضيع=واسمع لقلبي لخبطه بين الاضلاع
لانه غنوج ولي تخززته يميع=ولانه معنق ضامرٍ زين الاطباع
يا ميم ريًع فيك من خافقي ريع=قلبٍ عيونك وقعها فيه بابواع
قلبٍ شراك وحالفٍ قط مايبيع=لأمر العيون وسحرها قال بانصاع
حلو الثمر روس النهود المطاليع=ومن الغرابه بطنها لارتوت جاع
ناسٍ تقول ان الحلا يزول ويضيع=وفيها الحلا حل وتمكن ولا ضاع
قبلك خفوقي عاش في الحب تلويع=واليوم فيك اكيد هايم وملتاع
اهمس لك بسر والسر لايشيع=اهواك يومي قبل يومك ولي شاع
اخاف من حساد او شيٍ يريع=اموت يا عمري ولا اياك ترتاع
كنيتها ونه بليل المهاجيع=فزت لاثرها الجن والناس هجاع
شقت قليبي والضلوع المرافيع=ثمٍ غدت في الجوف انصاف وارباع
ان جيت ابكتمها بعيوني يذيع=سر الهوى اللي يذيع من دون مذياع
وان حد نشدني صب دمعي مراصيع=ولي حد تركني تحدتني اوجاع
يا ميم كفًي بس يكفي مصاريع=حنًا بشر من طين وللطين مرجاع
فاما سقيتيني بعذب الينابيع=والا تركتي الغنج وكثر التدلاع

[/frame]