حيرتني وإحترت وإجروحي إكثار = حيرتني والدمع يحضن عيوني
أحيان تقرا هم قلبي والاسرار= وأحيان اشوف الهجر مع كل لوني
واحيان تبعدني وتعطيني إنذار = وتصد ويحارب شجونك شجوني
ياحي غلطه ضيّقت صدري أمرار =حاولت أدور عذر قلت أعذروني
وأدمح وأسامح غلطتك وأقبل أعذار =عذر السحابه ترتوي بالمزوني
وتهل صاف العذر للقلب مدرار = تسقي رياض القلب حبٍ فتوني
وتزهر فيافي حبنا كل الأزهار= وتصير جنه دون عينك ودوني
نعيش فيها والزهر بيننا ستار = وأقول لك لبيه وتقول عوني
ياحي منهو ساقته ليّ الأقدار = سكنت في قلبه ولو يعذلوني
سكنت في جنه ولا ذقت الأمرار =وأخاف من عقب الحلا يحرموني