[ابو أنس]

أخي الفاضل .. الشريف الشرقي
أولا أعتذر على طول الغياب لمشاغل تجتاحني وعجز يعتريني
ثم اعتذر عن العجز على الصياغة المطلوبه لما تتطلبه القصيده وما في ذهني عنها فقد أعياني العجز
وقد يكون لقافيتها المعتمدة بشكل كبير على ياء المتكلم سبب في ذلك عززه ضعف قدرة وقلة تمكن.
فهاكها كما هي وان قومت فمشكور وان قبلت فممتن وليس بغريب على مثلك
وفي كل الأحوال أرجوا المعذره والتلطف بالقبول
شاكرا لك كل شيء

أنا - ياللأسف - عاشق سـراب الـلال والتنهيـد
.............................. ........وتوأم روحي جروحي .. عـن العبـرات يمنعنـي
بقايـا كبريـاء وصبـر ونفحـة كلمـة التوحيـد
.............................. ........وكم كلمة تقـول ارجـوك تركـد يافهـد دَعنـي
اخيل الليـل بغيابـه مطـر هـم ومطـر تنكيـد
.............................. ..واصيح :الليييل ياطولك ! يرد سهيل : وش يعني ؟

خطاك الشر ياصاحب خطاك الهم والتنكيد=عساك من الألم سالم عساك من الأمل تدني
عسى قلبك من سهوم الهوى ينفك فك القيد=واذا مرت فلا ضرت وفيك الصبر يعجبني
تراك الفحل والشغموم تراك من الرجال الصيد=ولك عقل(ن)يزم بهمتك للطّيّبه يجني
اعرفك وابصم بعرفك واباشهد والوِلِيّ اشهِيْد=نقي العرض والأردان على الخملات ماتثني
ولالك ذنب في قلب(ن) خضر يهوى المها والغيد=لك الله يا...بو عبدالله هجوسك ذا يناسبني
مدام ان الهموم الكايده بالليل حيل اتزيد=يحركها هدوء الوقت والهوجاس به يبني
ومثلك ينزف اشعار(ن) لها تخضرّ كل البيد=تليّن قاسي قلوب(ن)وانابالحيل تطربني
عسى ماادعي لطول الهجر والحرمان بالتأييد=لأن الجرح في جلدة غزال المسك يجذبني