اقتباس:
المشاركة الأصلية كتبت بواسطة نجم الإبداع
الصاحب الي مرني يوم الطلب=شكله يواسيني وفجر بالقصاب
وصل محاريفه لواد منطرب = وانا قريت اسطورها بين الحراب
انا اشهد انك بين خلاني شنب =مير البلاء ياصاح منع الاقتراب
كتبت قطراتي ومافيها حسب =الا لوقت امسى يكشّف للحجاب
اشوف هم القلب جاني مسترب=من كل صوب اهل الردى عبو الجراب
مانا من الي عن رفيقه ينقلب = وماهمني بالي يكسّر بالشراب
على النقاء كلمت في وقت الكرب=لكن بعض الناس صايبه اضطراب
حول على بير الغثاريب وشرب = شربه شرق منها وماتروي الغراب
والحق يغلب يوم للباطل غرب= بانت حقايقهم وعنوان الكتاب
هم حللو الموضوع من باب النصب=وانا على وضح النقاء مالي مراب
يوم اصلح الموضوع عثمان انتصب=بالحكمه وانا قلت ماعندي وناب
قال انت صاحب حق لله العجب =وراك يالخصام كثرت السباب
مابيننا الا الشعر والي منكتب = يشوفه الانسان لو يغدي مصاب
واليوم عفنا من مجاراة الشذب=والي يحللنا غلط ماله متاب
|
سلمت لا هنت
والحمد لله
وتهون
وستلم طال عمرك
القول واحد
يا صاحبي كفَّك حبيبي لا طلب = القول واحد ما علينا من جواب
لن كان حرنه من هواجيس العرب = افكار شاعر ما يراودها اقتراب
الكل يشهد طيبكم زين اكتسب = معقودها كيف الصبايا والشباب
للشعر لعبه في تراحيل الحسب = يمكن يهز اشناب من حرف الصواب
لكن بسيطه خلها دومن نسب = مرجودها من تل ساخر لك نصاب
فالحر يثقل لا غرابيله جنب = ما هزكم ريح ٍ جِلابه وي حِراب
فالرمل في صحر ٍحريكه راب ظب = والروح تمضي والعيون الها رقاب
لا هدت الايام حسن ٍ ما لهب = والبير يصفى والعجج ترحال غاب
لنك حسين ٍ من رحيبات الشنب = ما يمض ِ زولك حتَى تشتاق الصباب
اليا تكلمت المجالس لك رحب = كيف ٍ وكاف ٍ كفكفت روق الحساب
لا ترتمي لا تفقدي ما لك سكب = الكل يسعد مثل كسرات الشراب
كثر الحلا فيها موازي لي طرب = فالذوق من رق الحناين قالوا طاب
انسى هواجس دابها شقشق غرب = تشرق لكم ريم البوادي ذات ناب
يلصف محاسنها قريبه ذا قرب = والحكم للي جاوره ما له نداب
ان كان بيرق فالسما نجم ٍ وشب = شب الهواين يحتمي لقلق رطاب
لكن قبيلك من حكم ثورة غضب = حرصه خوي ٍ ما يفارقلك جِناب
والكر فر ٍ في جوانيح الزغب = مير النوادر جلبها ملهم صحاب
الكف ما يقدم مخاريز العصب = لين الجنادي ملسن ٍ منشار جاب
حكم الكلامي مرسل ٍ صوب الكتب = اللي تكاتب خضبها حمر الخضاب
فالقول محسوبن مجاراة الصحب = والناس ما تفهم تحاليل الكتاب
كل ٍ يماسي في تحاليله كذب = مسعود قلبه لا فهم هزه حجاب
تدري فلاح الكيف وش صابه رهب = لين الشعر احشاش حاشي له رغاب
يسعد ويزعل من عرف ميله حسب = فهم العزيزي مع تفاسير السباب
وآخر كلامي يسعد قليبك محب = في دورة الايام ما يفنى رحاب