كل عام والجميع بخير
ياللي حبسنا انفاسنا منك بدري=متوقعين انك تخبي لنا ثار
كنت الحليم ايام طلتك عذري=قمنا نهلي بك ونفرش لك الدار
ياعل في طلتك تجبير كسري=لكن زدت الجرح وازريت الاحرار
مالك خليل ونشتكي له ونزري=الا مليك الكون علام الاسرار
عجل وفارقنا دع الوقت يجري=ذكراك في سود الصحايف بمدرار
فيك ابتلينا بالتباعد بقدري=عن كل غالي له في القلب تذكار
واسقيتنا من كاسك السم جبري=ما كان لك في سالف العمر مقدار
يبقى الامل معقود وان فاض صبري=في يوم جمعه يسمع الناس الاخبار
واحد محرم يبتدي عام هجري=الله يجعل طلته حلم واخيار
على جميع الخلق قاصي وحدري=تتحقق الامال وتزول الاضرار