اقتباس:
المشاركة الأصلية كتبت بواسطة حمود جارالله المزيني
ترتـاح لـو كـلٍ تحلّـى بالانصـاف = ويرتاح غيرك لو معـك كـان صافـي
الفهم نور وحكمتـك تشـرق اتحـاف = اسعد بشر بالعدل لـو سـرت حافـي
الحيف واهمال المبادي ، والاجحـاف = يطمس شعاع الشمس لو كان ضافـي
ومن صاح له صوت الضماير ولا خاف = متى على الله بعـد ذلـك يخافـي ؟!
ومادام تقتير العطـا مثـل الاسـراف = يصيـر بالاخـلاق ناقـص ووافــي
واللّي يقول اللام هي نفسهـا الكـاف = اما عبيـط او بالجهَـل حيـل كافـي
العمر ومضه بعدهـا المـوت خطّـاف = مراكـب الحييـن نـحـو المـرافـي
يفنى الفتى خـلاص ماعـاد ينشـاف = ياخذ مـن الطيـن المهـد واللحافـي
ومن عامل الثانين بالظلـم واسفـاف = يجيـه مـن مذخـور الايـام سافـي
ومن زاد فيـه الشـك زوّد بالاحـلاف = لو كان ماهو رغـم الاحـلاف وافـي
ومن طاف في دنيا العجايب بها شاف = اكثر من السبعـه ولـو قيـل غافـي
دنياك ماتسـوى التحايـل والارجـاف = سراجهـا لابـد فـي يـوم طـافـي
تخالطوا أهل المـدن واهـل الاريـاف = ومن الفجاج الكل لـه عصـر لافـي
ما عاد تلقى لك علـى راس مشـراف = من سـرَّح النظـره وجـاب الفيافـي
النـاس ترعـى بالانامـل والاظـلاف = كـنّ السنيـن مسغّـبـاتٍ عجـافـي
وكلٍ من الاخر علـى جـال ميهـاف = الا القليـل مـن الغلـيـل متعـافـي
والكون واللـي فيـه يقفـاه الاتـلاف = ماهـو علـى كـل المخاليـق خافـي
ومن بعد نفخ الصور رجعات وانكـاف = في موقـفٍ بالحيـل فيـه اختلافـي
|
صح لسانك لا هنت ولا هنت
جزله وحكيمه ويا ليت نشوفك كل يوم بجمالك وكرم اخلاقك
من قال قولك ما هقيته بينحاف = والدرب يقصر مع قصير اللحافي
لن كان طيبك والغلا حلب صاف = هطل السما مقدومهاْ الود صافي
اعرج على مربوع معيون لاوصاف = لاْ تزلّ باخطاك بواريد جافي
جوب المكافي والعلم كاف بالكاف = ماهب سواليف الريود الوصافي
وانت الحكيم اللي يطوف المطاف = ترتاح عقب اتعاب قلبك رفافي
يحمود علمك بالزمان الخفاف = وعلوم مثقال ِ بْتماسي خِفافي
يحمود علمك والعلم ما به انصاف= لن جنّ ربعك عقلك الكاف بنصافي