من ظيق قلبي والحظ الردي نقول
وصل الرساله
يالنجم جان الرد فارق علاما = بيقول يالعود المشارك علومي
عمرك ربع دهرين مالك سهاما = خلّ الشباب اليوم تبقى تحومي
لا جيتنا بربوع وصلك مداما = شاعر مشاعر والحلايا تدومي
لكن عسير الحظ ما من ملاما = لا فات فوت ٍ والبقايا تلومي
شيب ٍعرفته رافق العمر ياما = من صغر سني جاورنّي ردومي
تال الردى ما هوب سياق ٍ نظاما = سبعة صنايع بخت ظايع عمومي
الله واكبر زمن حسد الغماما = لا هي مطر والسواد زايد غمومي
يا ناس ابغى والدهر لي يراما = اية شغيله تسند الظهر رومي
نجهد عليها مو تعاليِْ بوساما = ما دام دمي ٍيحرق اللي وسومي
القوس يرمي والمصايب سهاما = يا سامعين الصوت طاشت سهومي
بجلس على كيف ٍ وناشد تهاما = وشرب من الفنجال هيل ٍ سلومي
وانشد من السلطان خير ٍ رحاما = يا حسْب بظلال الجواد الرحومي
ملك اليمين اللي تكفّي حراما = لن كان صوت العيس وصل ٍٍ ليومي
انشدك سلطان العطاوي سلاما = ترى المظايق في قليبي هدومي
يا رحب منشار المواصل حماما = وصل الرساله يا خَوي لَيْ زمومي