اقتباس:
المشاركة الأصلية كتبت بواسطة بائع الورد
بسم الله الرحمن الرحيم
السلام عليكم ورحمة الله وبركاته
ما أصعب أن تفقد شخصا تحبه ويحبك
وما أقسى الدهر عندما يختطف الأحباب والأعزاء....
ياسعود....
ما أدراك ما بحالي يا صديقي....دعني أقل لك عما يأكل فؤادي
واسمعني يا صاحبي حينما أقول:
ياسعود ضاق الصدر مدري علاما = والدهر في قلبي يزيد الهمومي
همي مثيل الشمس فوق الغماما = لو غابت اليوم اشرقت ألف يومي
ونيت مثل اللي يشاكي السقاما = ليله جراح وفي نهاره عتومي
قالوا علامك دالهٍ في الغراما = قلت اسألو من له بقلبي رجومي
عوص النضا ترحل تشيل الخياما = والكف يصفق وجنتي بالسمومي
جريت رجلي مثل بعض اليتاما = أبكي وتبكي من بكاي الغيومي
دمعي انسكب من فوق خدي تهاما = بل الصدر وانحى لباق الهدومي
غديت مثل اللي يعيش بعتاما = اضحك وجرحي غايرٍ بالسهومي
ودي سماع الصوت لو به ملاما = يازين ذاك الصوت يشفي سقومي
يا ناسي العشره عليك السلاما = ترحل وروحي فوق ظلك تحومي
|
صح لسانك ولد العم
واستلم والعذر على التواخير
الحال مقفي
الحال مقفي والسوالم نداما =يجلال علمك والحباري ندومي
قلت المسافر في رحايل سلاما = يا ليت رب الكون يرحم عمومي
لن كان ذكرى من جدايل وساما = حق ٍ عظيم القول دمعك وسومي
سوم العذارى ما عرفنا محاما = من غاير العربان مفتاح حومي
فوق المشارف والهواين رساما = رسم ٍ لمنظار الصعايب رسومي
حناْ ابتلشنا والحناين عظاما = مير السواقم ما تخلي عظومي
يالله عفوك من كباير أثاما = من داخل المكبوت صرّار ثومي
يا عين لفي من حواله حماما = وهديل صوتك من مخارج همومي
ياما تعنينا وياما نساما = محضورة العينان قلبي يسومي
من سام وجدي ما يشوف المناما = دام الرقايب في سوالم تنومي