السلام عليكم ورحمة الله وبركاته
مصافحة لأياديكم الكريمة
وقلوبكم الصافية وسمو ذوائقكم
يا اللي أشوف إحساس قلبك مات=لا بان هجر ولا اتصلتي بي
من يكثر الحسره على اللي فات =يموت ما حقق مطاليبي
هذي سهام العشق يمي جات = واحد يخيب وعشره تصيبي
لكنها ما سببت أزمات = ولا خذتني للألاعيبي
لو تنقضي وبسرعه الحاجات = ما كان بان مع الزمن شيبي
كانت حياتي جهد ومهمات = وعمري قضيته للمواجيبي
أداري القالات والشيمات = وأخشى يقولون إنتبه عيبي
ما دامها الاعمال بالنيات= ماني بخايف لانكشف طيبي
لو نعشق السجات والراحات = ما كان نقنب لا عوى ذيبي
ولا شكينا سرعة النبضات = ولا خشينا عالم الغيبي
العشق غبه والوله غابات = فيها تضيع الفطَّر الشيبي
فيها زرعنا للهوى روضات = وفيها تبادلنا المكاتيبي
وفبها قضينا اروع الساعات = يسري بك الهاجس ويسري بي
مره نقول الوصل له لذات = ومره نقول البعد تعذيبي
نستشرف الحاضر وما هو آت= ونقرب اللي فات تقريبي
نحيى الأمل فسحه بعض لحظات= ونعاني أحيان اللواهيبي
العمر وبداياته نهايات=ما فيه لا شكٍ ولا ريبي
نعيش به افراح مع حسرات= ومن هقى هقواته تخيبي
وأنا أدري إن هقواتنا هقوات = فيها لنا سطوه وتجريبي
لو رتم قلبك زود الدقات = ألفي وبوصالك توصي بي
ومن يغيب وطول الغيبات = يلفي بعدها بالمكاسيبي
تقبلوا تحياتي
سعيد بن عبد الله الغامدي