[الخنساء]

المشاركة الأصلية كتبت بواسطة الطائر المهاجر

"لقيت الناس ما منهم سلامه"= ولو تسكن بغارٍ في تهامه
يجيك من البلا مالا توقع = وتدخل في المشاكل والملامه
فهذا يشتكي من ظلم هذا = وهذا ما عرف فرض احترامه
لأنه داخل في الوسط سوسه= يفرقهم ولا يدروا مرامه
وهو عيزه بيد منهو يديره= يجره مثل كبشٍ او نعامه
بلا خوفٍ من الله لو ترهبل= ولو اظهر صلاته او صيامه
على تشتيت شمل الجمع شاطر= ولو اخوّه حرقهم بالنمامه
وينسى اللي عليم بالسراير= ولو يمهل فلا يهمل انامه
ترى دورك تجمّع ما تفرق= بنصح اللي مشى يجهل ظلامه
لعله يستمع نصحك وشورك= ويصحى بعد ما طوّل منامه
يصفي نيته بين القرايب= ويطفي نار تورث للندامه
عضيده لو طغى وإلا تجبر= فلا يترك لاحد يمسك زمامه
يتصارح معه في حب وموده= واذا ايّس فيبعد عن صدامه
لعل بيوم يدرك ماجرى له= وتشرق شمس من بعد الغمامه
واذا كان الهدف في العمق مبعد= فنور الفجر يكشف للعتامه

صح لسانك مليون ولايكفون

قصيدة جزلة من شاعر جزل متمكن

تترجم الحكمة وصدق النيه وجمال الحرف

سلمت ودام حرفك