[عمر ال شيبي]

المشاركة الأصلية كتبت بواسطة الطائر المهاجر

مشكله في البعض لا ظنه ذكي = ولا حسب قيمه لتفكير الرجال
مطفي نوره ويمشي بحلكي = وان جنح دربه يشوف انه عدال
من مطب اليا مطبٍ مضحكي = ما تنبه لو صدم في ألف جال
وما تنبه للإشاره والحكي = معجبه وضعه على درب الخمال
من تبع نفسه فدربه مهلكي = ولو ضحك وقته ترى يقلب عجال
ومن تصيّد صيدته ما تتركي= ومن رمى غيره ترى رميه حلال
الرجل ماهو بثوب وكبكي = ولو لبس مشلح وميل للعقال
الرجل بالعقل حر مدركي = ما يطيع الرجل تمشي في الميال
وان نوت بالأمر قال الها ابركي= ولو ربطها بالسلاسل والحبال
عادتي تقدير حتى المشركي = دام ما يغدر ولا منّه ختال
واوهم اللي فيه شك بمسلكي= لين اعرف اللي نوى به من فعال
ولا رميت ارمي بسهم مربكي = اطعم العصفور من دم الغزال
واشتري الشيهان لانّه يرتكي = والرخم ما بيه لو ريشه طوال

الله عليك محيط حكم لله درك لا هنت
صح لسانك مليون ولا يكفون