[ترانيم المطر]

ياايها القلب الشجي المرهفِ = لا تبكْ إن جارَ الزمانُ على الكسير
إصبر فإن طال الجفاءُ فإنهُ=لا بد ما تجني من الورد العبير
يا أيها الطير المحلقُ عالياً=بلغْ حبيبي إنه الحب الأخير
بلّغْهُ ماطال الجفاءُ بعاشق(ن)= إلاااا ويسري عندما يصحو الضمير

اه واقلبي اللي مالقينا علاجه= من جروح(ن) عميقه مالها من طبيب
من زمان تغير ما حسبنا نتاجه =زاد في القلب كيه يالله انك حسيب
يا زمان (ن) تقلب مالنا فيك حاجه = شمسك اللي توارت روحت للمغيب
كل ما جيت أعدله مال زاد إنعواجه = نذر مني لأخلي كل جرح(ن)عطيب
لا شربت المرار ولا نويت المواجه =إشهد إني عنيده في زمان(ن) عجيب
يا زمان(ن) تحدّر ما بعقلي رجاجه = أصدمك في قراري لو قرارك غريب
يا زمان العجايب راضيه في مزاجه =هو حبيبي ولا لي غير قلبه حبيب
حافظٍ عهد قلبي حاطني في سياجه=ليت ربي يتمم حبنا بالنصيب
من عرفته منور دنيتي في سراجه =طيّب القلب والخاطر فسيحٍِ رحيب
عارفٍ مدخل الشده وعارف خراجه=كل صعب ٍ يهون بعين ذاك النجيب
مايخون العهود ولايحطم زجاجه = كل شئ(ن) طلبته لجل عيني قريب