اقتباس:
المشاركة الأصلية كتبت بواسطة عيدالماجد
خسرتي قلب باخلاص يحبك = ماغشك يوم او ابدى انزعاجه
من ابرودك ومن هموم دربك= بقى حبه نقي من غير حاجه
انا با حلفك بالله ربك =اذا ضايقك مره بحتجاجه
كريم معك صادق فيه حبك = يشوف انك ضوى عمره وسراجه
عليل جاك متعشم بطبك = وحبك له هو طبه وعلاجه
ندم انه نطق كلمة احبك = ياليته راح في دربه ولاجا
ينار القلب الغالي يشبك= كسر قلبي مثل كسر الزجاجه
ويادرب العشق ويله من يطبك =يذوق المر وبكيفه ومزاجه
ويرجع يشتكي منك ويسبك = وقبل للناس يعلن ابتهاجه
|
عيد الماجد
سلمه الله ياهلا وغلا
والابيات رائعه بس فيه ملاجظه على بعض الوزن
واليك الايضاح :
خسرتي قلب باخلاص يحبك = ماغشك يوم او ابدى انزعاجه
التنوين لازم بعد باخلاصٍ والباقي روعه..
من ابرودك ومن هموم دربك= بقى حبه نقي من غير حاجه
الصدر مكسور ويستقم هكذا :
من ابرودك من همومٍ بدربك
والعجز رائع
انا با حلفك بالله ربك =اذا ضايقك مره بحتجاجه
ياسلاااااااااااااااااااام
كريم معك صادق فيه حبك = يشوف انك ضوى عمره وسراجه
كريمٍ يلزم تنوين وفي العجز ضوى اعتقد انك اردت ضيأ فلو كتبتها هكذا لاستقام الوزن
عليل جاك متعشم بطبك = وحبك له هو طبه وعلاجه
الصدر مستقيم والعجز مختل الوزن
ندم انه نطق كلمة احبك = ياليته راح في دربه ولاجا
هنا فقط ولاجا اعتقد انك اردت ولاجه نطقا لكي تتماشى مع القافيه
ينار القلب الغالي يشبك= كسر قلبي مثل كسر الزجاجه
والصدر هنا اخل بروعة العجز فلو قلت : يالنار القلب والغالي يشبك
لاستقام الوزن واكتملت روعته
ويادرب العشق ويله من يطبك =يذوق المر وبكيفه ومزاجه
الصدر ممتاز والعجز فيه زياده حرف او حرفين فلو شلت الواو التي قبل مزاجه لاستقام مع ثقل بسيط..
ويرجع يشتكي منك ويسبك = وقبل للناس يعلن ابتهاجه
ياسلام هنا البيت مستقيم وزنا ورائع
هذه ملاحظاتي وكلي امل بان يتسع صدرك لما ذكرت
تحيتي وتقديري