[محمد عبدالله البدراني]

المشاركة الأصلية كتبت بواسطة ترانيم المطر

عزيت نفسي عن هوى كل محتال=وأصبحت فوق الكل والراس عالي
ورفعت قدري عن رديين الأقوال =واسرجت خيل العز بأرض المعالي
ماني من اللي هزها كل موال = ولا أتبع سرابٍ موردن للخمالي
ثوب الشرف ظافي عليه ولا زال = يبطي قليل العرف ماوصل جالي
والشمس مايحجب سناها بغربال = لو حاولو تشويهها ماتبالي
عواطف إنثى لكن بعقل رجال =ماهو مصمم للهوى والهبالي
مدامني في مجلس الطير بختال = بمشي بخطوات الملك بالعلالي
عودٍ شرب مر الليالي مع الحال= ما مال عن دربه لو العمر طالي
ماهو من اللي بدل إسمال بسمال=إشعيل زيزوم الحمول الثقالي
وبنت الفطاحل فاهمه كل الأمثال = تجمع خصال الطيب قبل الزوالي
وهذي قوافي شعرنا جات تجتال = تنجب معان العرف زين الخصالي
أسرجت منها مزبن لكل مدهال = وأبعدتها عن درب سمج المقالي

اقرؤها هي ابلغ مما سيقال

ولي عودة تليق







تحيتي وتقديري