اقتباس:
المشاركة الأصلية كتبت بواسطة محمد اسماعيل الرفاعي
يا وطن قاعـد محكَّـر=في قلوب حاويها ريدك
نيلك الدفّـاق بيجـري=من وريدنا علي وريدك
كل وِلادك في حياضـك=زي جواهر حافّه جيـدك
سينك السُمـرة البهيـة=واوك الـود والمحبّـة
دالـك الدفعـة القويـة=ألفـك الإلـف المعبـأ
نونك النسمة السخيّـة=وإنتا في الوجدان مخبأ
يا وطن عاشقين ترابك=نحيا في حضنك حبائب
نهنأ بي خيرك وسعـدك=في سماك نبرق سحائب
والأرض تخضرَّ تبسـم=خيره خالي من الشوائب
يا وطن نهـواك نحبّـك=عن حياضك يوت ندافع
نحنا بي شيبنا وشبابنا=والصغير الدّابـو يافـع
لا .. لا مابنرجاك تنادي=من ضميرنا دوام نسارع
بي سيوفنا وبي عُشرنا=حاشا ما بنخشى المدافع
|
رااائع اخى الشاعر محمد اسماعيل
مايترجمه حرفك من جمال التعبير
الحب للوطن والاحساس به
لاهنتى ودام حرفك