[راشد فاروع]

السلام عليكم ورحمة الله وبركاتة
تلبية لدعوة أخي العزيز صافي القلب

يشرفني الانظمام إلى هذا الصرح الشامخ

مصافحة اولى أرجو لها القبول

حالـي نحيلـه وهـم البعـد قارضهـا=والقلب لا أقْبل ظـلام اللّيـل يهتاضـي
كن العقوبـه علـيْ الوقـت فارضهـا=ما بين هم الحيـاه وطـاري الماضـي
أهيم وأفتـل بيـوت الشعـر وأنقضهـا=وأقول يا وقت وين الخاطر الراضـي..؟
والحب مثل الظـروف اللّـي نعارضهـا=كم من نفوسٍ بريّـه تحـت الأنقاضـي
يا تـرف الأقـدام حالـي لا تعرّضهـا=هـم ونكـاده وتاليهـا علـى الفاضـي
المزنه اللـي هبـوب الريـح تنفضهـا=ما سيّلـت قاعهـا لـو برقهـا ناضـي
وخيانتك من عطيتـك عهـد رافضهـا=وليا جفيت الدروب إطـوال وإعراضـي
حاسب ضميـرك قبـل كلمتـك تلفظهـا=مصيبـة الحـب لا حاكـم ولا قاضـي
بعـض العلامـات لـو إنّـك تلاحظهـا=ما قلـت لـي ليـه متكـدّر ومغتاضـي
خـل المشاعـر تريّـح لا تهيّضـهـا=ما باقيٍ دمع وسط العيـن مـا فاضـي
وإلاّ عهودك عليّه ديـن مـا أنقضهـا=لو كان ماني عن اللي صار لي راضـي
باقي على العهد .. والأسـرار حافظهـا=وأنت إحتفظ فالعهد يا حسْـن الألفاظـي
النفس فـي شوفتـك محـدٍ معوّضهـا=دايـم طواريـك مرباعـي ومقياضـي
والله يـا لـولاي أجاهدهـا وأروّضهـا=وأقول يا مخاصم القاضي من تقاضي ..؟
ليبيّـن الشيـب فاللّحيـه وعارضـهـا=والسبّه أنت وغلاك وطـاري الماضـي