هذه القصيدة كتبتها بعد موقف حدث بيني وبين صديق لي عندما كان يقرأ بعض
قصائدي فاستغرب من اسلوبي وقال...(انت لا تكتب غير الغزل) وكان كلامه مناسبة
لكتابة هذه القصيدة وما هي إلا توضيح لوجهة نظري كشاعر...وإليكموها:
إي نعـم يـا صاحبـي شاعـر غـزل=أوصــف عـيـون الغـوانـي بـاقـتـدار
واتبـع ظـلال الهـنـوف الـلـي تـطـل=كني التايه ولا يعرف قرار
حـيـن تسألـنـي عـلامـك مـــا تـمــل=مــن كتـابـة شـعـر للغـيـد الـصغار
وانــت داري وش بـلانــا يـــا بـطــل=لـو تـمـر البـنـت تشـعـل فـيـك نــار
مـن دلعهـن يستـوي شهـد العـسـل=ومن حلاهن كل من به عقل طار
يتعبن راع الـهــوى لو هو جبل=ناعسـات الطـرف في مد البحار
مــن تـغـار البـنـت ماتـعـرف عـقــل=لو تحبك ولعت فيك الشرار
الـكـحــل يــامــا ذبـحـنــي بالمقل=بالرموش الــلــي تـذوقـنــي الــمــرار
زيــنـــة الـبــنــت الــرزانـــة والــثــقــل=راعــيـــة ديـــــنٍ وعــقـــلٍ في انستار
مــا تـعـرف الـزيـف وانــواع الحـيـل=قـولـهــا واضــــحْ بــســرٍّ أو جــهــار
الـغــزل فـنــي وانــــا بــــه مـنـشـغـل=عـــن مـواضـيــعٍ يغـطـيـهـا الـغـبــار
عـــن قـضـايـا فـاقــدٍ مـنـهـا الأمــــل=عن حروبٍ عن بلايا عن حصـار
عن قضايـا الأرض خلنـي منعـزل=مستـقـيـل مـــن الـلـيـالـي والـنـهــار
أحـمــل هـمــوم القـضـايـا وانـفـعـل!=واكتـشـف إنــي مـصـابٍ بانـهـيـار!
بــاتــرك عــلــومٍ تـسبب لي الوجل=واتـــغــــزل بـالــغــوانــي بافتخار