علامك ساكتٍ شاللي جرالك = تفضل شارك الناس بفرحها
مع جو الحزن جالس لحالك= نصيحه انسى اذا روحك جرحها
سمعت انه خدعك وما وفالك= وسنين الود في لحظه مسحها
وسمعت ان زمانك ماصفالك = تعب قلبك وامالك ذبحها
تاكد مهما كان الليل حالك = ترى كل ليله ينهيها صبحها
وكلٍ ساكنٍ عالارض هالك = ويجيها يوم يتغير سطحها
دع الماضي وماله بس ومالك= سنين اقفت خسايرها وربحها
توكل وخل عالمولى اتكالك= وروحٍ بائسه ليتك ترحها
كفاك دموع خفف انفعالك= وقرب شارك الناس بفرحها