السلام عليكم ورحمة الله وبركاته
لامن طرت في بالي الريم واقفيت = عن مجلس الأصحاب واشكي لَحَالي
قالوا علامك وين يفلان هجيت = قلت السموحة لكن الخل غالي
افلانه اللي لا جفت يظلم البيت = وا ويل قلبي من هجير الغوالي
أقفت وانا من أزرق الدمع هليت = يوم اطرقت عوص الركايب توالي
في عونة الله هجرها وان تعنيت = الله معي ولْكل جرحٍ زوالي
قولولها لو طولت هجرها جيت = أطلب رضاها و يطلب الصفح حالي
تعبت انا من وحدة القلب مليت = تعبت اداري بالهموم الثقالي
الجادل اللي لو طلبني ولبيت = واللي أهل الدمع لجله ليالي
قولولها لو تحدتني تحديت = ما قندت راسي قروم الرجالي
والمشكلة إني إذا يوم حنيت= يهل دمعي فوق خدي يلالي
ولامن طرت في بالي الريم واقفيت = عن مجلس الأصحاب واشكي لَحَالي
واقول يا صحبي تراني تعنيت = والريم دايم ما تفارق خيالي