[حي الضمير]

المشاركة الأصلية كتبت بواسطة الطائر المهاجر

في مجتمعنا اليعربي ..ان كان لا "واو" وظهر..حقك على عينك يضيع=ولو في الشرع كل ماتبي .. قانون فعله اندثر.. عجينه في يد اللئام
وفي الغرب لو طفلٍ صبي .. ياخذ لحقّه في ظفر .. فالعدل ملك للجميع= محدً يقول لْه اتْهبي .. قانون واضح معتبر.. نافذ على كل الآنام
يا امتي لاتعجبي .. وشلون صرتي في الحفر .. والغرب كالنجم الرفيع=من عقب جلبك للسبي .. تسبين في عز الظهر .. وتحيين لاعدل وسلام
ياراقصه في الملعبي .. هزي وسط ليل العهر .. شاةٍ تحالا للربيع=والذيب حولك يقنبي .. ماهاب من قرن انكسر .. ماحس من كثر الألام
وحنا نعاني ونحبي .. والكل يشعر بالقهر.. من واقعٍ اصبح فضيع=تخالف في المذهبي.. تناطح مثل البقر .. والكل في عز المنام
اما مدحت وتكذبي .. وتقرب من اصحاب الأمر .. وتصبح مثل اية تبيع=وإلا ترى فانته غبي .. رجعي وعقلك من حجر.. تصير مطمع للفئام
خلك مرن لو تذنبي .. واسهر مع اصحاب السهر.. برضاعتك كنّك جويع=وللشغل رجلك تسحبي .. تدربي لراسك كالكفر .. تضبط امورك بالتمام
وجمله ولا لا تقربي .. لاتقول لي وجهة نظر .. خلك مع الريس مطيع=تسلك امورك كالظبي .. لا مد رجله ما عثر .. ما يسبقه طير الحمام
ولا جاك شخصٍ يجذبي .. قم فز له مهما صغر .. واخدمه بالضامر تبيع=هذا بنفعه يحسبي .. يخدمك لا المجد انحسر .. ينقذك في وقت الملام
ولاجاك كدش مكهربي .. يشكي من انواع القهر.. فاضحك من الفم الوسيع=وافرش له الأرض ذهبي .. بالهرج مامنّه ضرر .. لو ما حصل له مايرام
ولاجيت درب مضببي .. درب الديانه فانحشر .. في كل مجلس به سميع=وتفتف بصوت مدربي .. وحوقل وهلل بالذكر.. لو انت سكرانٍ تمام
بوجهين واكثر يكسبي .. في وقت يمشي بالمكر .. من كل معتوهٍ خديع=بايع ضميره اجربي .. يشوف في مكره فخر .. في وقت يخدم للئآم
ياراقصه هيا اعربي .. وش عاد باقي ما انحدر .. في وقت شاب به الرضيع=فاللي مشى درب النبي .. قولٍ وفعلٍ انكسر .. واصبح يحس الإنهزام

ابدعت ياعلم