أرسل لي الأخ تركي الرزين التميمي أبيات
ولاتحضرني الان وهو ليس بشاعر ولكن جرب ووفق
أبيات القصيدة لاتزيد عن الستة أبيات
ورديت عليه
أقول :
يامرحبا باللي ورد منه ماكان=يامرحبا بك عد وبل المخايـل
جربتها والتجربة خير برهـان=وصابت قوافيكم ولا فيه مايـل
لك بالحشا منزل نقشته بنيشان=هذا مقر أهل الكـرم والفعايـل
يالأجودي يالقرم ياولد عدوان=يانسل منهو لاطمٍ كـل عايـل
حنا تميم مسنعة كل الأوطـان=حنا تميم معدلـة كـل مايـل
شرعت ياتركي بهالقول بيبان=باب المديح وباب سلم القبايل
وسلامتكم