السلام عليكم ورحمه الله وبركاته
ابيات متواضعه كتبتها منذ زمن اتمنى ان ترتقى لذائقتكم
والحقيقه احب اشكر الشاعر محمد بن عمار لا نه بذل مجهود كبير يشكر عليه
للوصول بالابيات الى ما هي عليه
غنيت ياربعي على السامريه
عسى تلد العين فيني عساها
ناديت باعلى الصوت ياهل الحميه
من هادم اللذات روحي دهاها
ما شفت بين الناس انا غشمريه
كل الوصايف والحلا من حلاها
ما كنها الا ورده .. ابـمزهريه
مالت مع النسمه تناثر شذاها
وسيوف شوقه من جروحي نديه
باقي الرماح المقبله .. واعناها
مذبوح مثل الهدي يوم الضحيه
خده على الرمضى يعاين سماها
الشوق يلعبي .. وحالي رديه
اسرح مع الرعيان ادوج بحماها
راحت وخلت بين الاضلاع كيه
وجروح تنزف حزنها مع دمها
وقلبٍ تعنى من فراق الخويه
ضاقت به الدنيا .. اسير بهواها
ورمش عينه بين روحه .. وجيه
كل مالمح غيمه تهيض وجاها
وسلامتكم