السلام عليكم
هذي لاجديدة ولاقديمة
لها شهر بس . عساها تليق
الأشقر المقضوض
سرح بي هاجسي من يوم شفت الأشقر المقضوض = على الأمتان شلال ٍ تناثر عقب ما قضّـه
عذلت النفس ، و طرفي مجبره ، و أمشي وهو مغضوض = و أنا لولا الحيا و العيب عنه الطرف ما اغضـّه
عثرت و طحت من سبّة جمال ٍهالني مخضوض = وقلبي من قبل ما القاه ماقد صار به خضّه
على كوعي هوى جسمي و أصبح هيكل ٍ مرضوض = عجب ! من هالجسم في طيحته و يش الذي رضـّه
ومع هاللي حصل كله طلع كعب الرجل مفضوض = و من شدة وقوعي ركبتي و الكف منفضـّه
يخاف من الحبل منهو تلّوع بالحنش معضوض = تمادى بقل حرصه في طريقة والحنش عضّـه
وأصبح كل مايلمح خيال ٍ فزّ له مجضوض = مثل فزّة مريض ٍ في يد الكاوي من الجضّـه
يجوز إنّـه على هالفعل من عذ ّالنا محضوض = و إذا ماخاب ظني واحدٍ من ربعنا حضّـه *
* للإفادة ،حضه/حض = شجـّع
في التنزيل الكريم ، ولا يحضّ على طعام المسكين
مودتي لإصغاءكم
وكل عام وانتم بخير
محمد بن عمار