[هترل]

المشاركة الأصلية كتبت بواسطة محمد بن عمار

السلام عليكم / انا حليت لغزها وانتم حلوا لغزي !

مناجاة الذات
وأنت خالي الوفاض
ينتج عنها ردة فعل
مغايرة للواقع ...
معكم جديد هذا اليوم ،

ازرق الدمع بعيوني

يانظر عيني علامك ، ماتحنين المعنىّ = متعب ‏ ٍ نفسي ورجلي كل يوم ‏ ٍ بالتعنيّ
أسهر الليل ، آتوجد ، و آتعبر ، و آتمنىّ = آآآآآآآه ياوقت ‏ ٍ قضيته بالتوجد ، والتمنيّ
أزرق الدمع بعيوني كيف أبا أرقد وآتهنىّ = ماهقيت اللي يحبك يرقد الليل امتهنيّ
حبنا اللي من قديم العهد أنا وأنتي دفناّ = إكتشفت إنه هو اللي في غرامك قد دفنيّ
لعن أبو حيك ..! خيالي ماتبلا ّك ، وتجنىّ = مثل ماطيفك بلاني ، بالمشقة والتجنيّ
كلما مريت ، قلتي وش علامك تمتحناّ = وأنتي ما والله غيرك في حياتي ممتحنيّ
ليت ربي ماجمعني بك على حب‏ ٍ سجناّ = لكن أستاهل مدام إخترت لي حب ٍ ‏سجنيّ
الهوى يالغاوية ،، مشمول به إنس ٍ ‏وجناّ = وأنتي الظاهر غرامك ساكن ‏ ٍ في قلب جنيّ
بس أنا شاعر ،، و نظمي في القصايد مايثنىّ = دام منطوقي سليم‏ ٍ وش يخليني أثنيّّ
قالت إن كانك على ماقلت لك في الشعر فناّ = عطني ألغاز‏‏ ٍمن أشعارك وأنا أوريك فنيّ
قلت أنا ماذا بعلمي ، كان علمك ، فيه إناّ = إبتدي بالقول ، وخلي قولة ‏ ٍ إنك و إنيّ
وأنا بيني وبين نفسي عقب يوم القلب حناّ = ودي ابدأ بالهروج اللي لها العاشق يحنيّ
قالت أبا أنشدك عن شئ ٍ إذا شلته يوناّ = وإن تركته من يدك في الأرض يسكت مايونيّ
قلت أنا بأ قول حلهّ ، جازم‏ ٍ مافيه ظناّ = هذي القلـةّ ، من الفخـّار ، إذا ماخاب ظنيّ
لكن أبا أنشدك عن طير ٍ على كفي ايتثنىّ = دايم‏ ٍ أداعبه وأطرب الى صار امتثنيّ
طار ليله من يديني .! والنهار أقبل وغناّ = قالت أعرف حلها ، لكن نبي شاعر يغنيّ
قلت نقعد ننتظر أحد‏ ٍ يجي فينا ومناّ = قالت إسكت ! تدري ماغيرك أحد ، فيني ومنيّ
قلت هذي لعبة إبليس ، الأمر بإيدينه تسنىّ = يضحك بوجه البشر ! وهو لمبراته يسنيّ
آآآآه ياقلب العنا ، وش صار . ماعد بك تأنىّّ = وأنا خبري بك ثقيل ٍ ، بالتصرف ومتأنيّ
أشتكي وأدخل على الله من ظروف‏ ٍ لعوزناّ = ومن تصاريف الزمان اللي بعمري لعوزنيّ

مودتي لإصغاءكم .
محمد بن عمار

ياويل حالي عليك يابن عمار ... صح لسانك ملاااااين يامحمد

من جمالها ما عرفت وش اقتبس منها .. اقتبستها كامله

ابيات عذبه بالحيل كالعاده .. مبدع والله يامحمد الله يوفقك

تحياتي لشخصك الكريم