[محمد اسماعيل الرفاعي]

يا ما قلتا ليك=ماك في الكون براك
ماتقعد تعاند=زي مافيش سواك
أهدأ وروق شوية=وانزل من علاك
لا الواطه هيلتك=ولا السما كان سماك
****=****
في تسعه وفوقه تسعة=جينا ونحنا ساده
ما بنملك مصيرنا=وحاكمانا الإراده
سنين العمر تفنى=وما في سنين هواده
وبكره نخش قبورنا=ويبقى الطوب وساده
****=****
دحين ما توه وتنسى=دوام الحال مُحال
والمالك مصيرنا=هو ربنا ذو الجلال
مُحال في يوم تسودنا=شان مسحة جمال
لابنرهن قلوبنا =ولا بيشرينا مال

الأربعاء 22 / 9 / 2010م