[عمر ال شيبي]

الطلاق والنتائج وما بعده

ولكم الصلح خير

والراي لكم

يللي على صخر الصفا نقشك حروف = وش حالة المعشوق بعدك ياْالْفصيح
ما فادها التذكار من سود الظروف = رسمك واسمه يالغلا اصبح منيح
لي كل قلبن علة ٍ شيبه وخوف = من كثر دقّّك هالبشر ما تستريح
راحت سلافه بالعرب لجلك وصوف = حب المها منشور باوراق ٍ تبيح
كلّ المشاعر مضرب امثال ٍ صفوف =مير الزمن نسّاي لجروح الجريح
لكن على لكن ولكن ما تحوف =قلب المتيم لو درى ظرفه يطيح
في خلوة المرباع ظربات الكفوف =في تاليات الليل لشروق الصبيح
يوم اليمين اللي رميتهْ سرْح نوف = يا حسرتي ويل العِجِب عقبه سويح
ندم وندايم لو تراعي ما تشوف = دمع العيون الغاليات اللي تصيح
جمر الوعد يحرق رماد الليل اوف = يومن تغنيبه شعر عذب ونقيح
ما فادها يا قلب وانت ابلا لفوف = ساع الوجد يرميك منطاح ٍ لريح
في دنية ٍ ما تحلف اْبْها اي حلوف = يوم العنا يكتم على اوصال الجميح
ما غير اجلس في خلاوي وانت شوف = نار الوجد ويا الضمير السمح بيح
البيت يسعد من سعد ضحك الهنوف = والكون يعمر والمحاسن لك تريح
عقب الشقا من تاليات الوقت عوف = اصل المشاكل لو دريت ابْها صريح
تحكم غطبك بلين وسكنه الكهوف = لا كنت واقف اجلسن قول السميح
الله يبارك من تواضع في لهوف = الصلح خيَر بينك وبين الشّليح
لجل الهوى ثمرة نتاج من الضعوف = اللي حواليك السَّراير ما تشيح
يوم اللقا ظربة نقا ابها شغوف = لجلك وطي موطء حلل ملك الفليح
يا ساتر الارحام روف الجوف روف = تروي ظما قلب ٍ ملكته بالمليح
وستغفر الله من لفظ قلته عزوف = يوم الربابه جادت بقول ٍ شحيح
يا مين بارك قولنا هل به ضعوف ؟ = هلّت خساره والمجارهْ الْها رِبيح
لي جار جاري والجوار اليا كتوف = مقدر اشوف الظلم واسكت كالذبيح
عشره طويله من أمد جدي قطوف = بالله شدّوا لي بيد ونْطوا النّصيح
لا بارك الله في طلاق ٍ عقب طوف = لا باعها بلحظة زعل لفظ القبيح

العجِب هم الاولاد وبلفظ اخر العقب