[محمد اسماعيل الرفاعي]

ما قلتا لي !
الدنيا شين سوّت معاك ؟
وشنو الحصل بعد الفُراق الكان غصِب
لا بي رضاي لا بي رضاك ؟
لا كنتا لي سبب الأذى
ولا ظنّي كنتا سبب أذاك
كم كنا عشمانين كتير
واحلامنا عانقت السحاب
وأرواحنــا هــامت بي بعض إلا القدر مــا إستجاب
ومع الأسف! تقليد عقيم من الأهل
ورانا يوم عجباً عُجاب
وأنا قلبي لسع مشتهيك رسّل رسالة تطمّنو
وأدّي الجواب زاجل هوانا المؤتمن
وما فيش ضرورة تعنونو
أصلو الحمام .. عارف دريب شوقنا القديم
وأنا ماني هامّي علي الجواب
بس خوفي من مضمون جوابك يمحِّنو
وأنا في رجاك ما تسيبني إنتظرك كتير
وريني بس
إيه الحصل وانجدني من واقعي المرير
خلينا نتفاكر سوا ونعرف كمان لي وين مودينا المصير..

الجمعة 15 / 10 /2010م
( دار مالي ) ولاية نهر النيل